ბელორუსია აფხაზეთისა და სამხრეთ ოსეთის დამოუკიდებლობის აღიარებას განიხილავს

DeSouza Mon Mar 09, 2009 8:20 am

ბელორუსის პარლამენტი აფხაზეთისა და ე.წ. სამხრეთ ოსეთის დამოუკიდებლობის აღიარების საკითხს განიხილავს. როგორც „რუსსკაია სლუჟბა ნოვოსტეი“ იუწყება, ამის შესახებ ბელორუსის პრეზიდენტმა ალექსანდრე ლუკაშენკომ სერბეთში ვიზიტის შემდეგ განაცხადა.
ლუკაშენკომ აღნიშნა, რომ არ ღირს ამ საკითხის რუსეთთან დაკავშირება და რომ მოსკოვი მინსკზე ზეწოლას არ ახორციელებს.
მისი განცხადებით, მართალია, კონსტიტუციის თანახმად, გადაწყვეტილებას პრეზიდენტი მიიღებს, მაგრამ მას ხალხის აზრის გაგება სურს.
რუსეთის მიერ აფხაზეთისა და ე.წ. სამხრეთ ოსეთის აღიარების შემდეგ მოსკოვმა ანალოგიური გადაწყვეტილების მიღება ბელორუსისგანაც მოითხოვა, სანაცლოდ კი ერთი მილიარდი დოლარის კრედიტის გამოყოფას დაჰპირდა. რუსეთის პრემიერმა ვლადიმერ პუტინმა მინსკისთვის 500 მილიონი დოლარის გამოყოფას ხელი უკვე მოაწერა